Təbriz ayağa qalxdı: İran çalxalanır – VİDEO+FOTO

İranda Azərbaycan türklərinin təhqir olunmasına etiraz nümayişləri davam edir.

Axar.az xəbər verir ki, bu gün Təbriz Universitetində daha bir aksiya baş tutub.

Aksiya iştirakçıları arasında çoxsaylı azərbaycanlının saxlanıldığı, yaralandığı bildirilir.

Xatırladaq ki, bir neçə gün bundan əvvəl İranın dövlət televiziyasında yayımlanan “Fitilə” uşaq verilişində Azərbaycan türkləri təhqir olunmuşdu. Belə ki, İRİB TV-2 kanalında yayımlanan komediya proqramında bəhs olunan hekayədə azərbaycanlı uşaq tualet fırçası ilə diş fırçasını səhv salır və dişlərini tualet fırçasıyla təmizləyir.

Bundan sonra uşağın atası otel sahibindən üzr istəyir və oteldən gələn pis qoxuya uşağın səbəb olduğunu bildirir.

Həmin verilişin necə təhqiramiz olduğunu göstərmək üçün azərbaycanlı fəallar onu Yutuba yerləşdiriblər.

İRİB dövlət televiziya şirkəti İranda yaşayan azərbaycanlıların şikayətindən sonra uşaq verilişinin yayımını dayandırsa və azərbaycanlılardan üzr istəsə də, soydaşlarımız rəsmi kanallarda vaxtaşırı baş verən bu təhqirlərə görə etirazlara davam edirlər.

Bu gün Təbriz Universitetinin türk fəallarının keçirdiyi və Feysbuk sosial şəbəkəsində yayılan fotoları təqdim edirik: