Bakı bulvarında MEQA LAYİHƏ – Caspian Waterfront

Bakı Bulvarında yeni istirahət və ticarət mərkəzi - “Caspian Waterfront” inşası davam edir.

AzNews.info-nun məlumatına görə, Bakı bulvarının qərb hissəsində, parkın yeni hissəsi ilə köhnə hissəsinin birləşdiyi yerdə (Əl Oyunları sarayı ilə üzbəüz) möhtəşəm istirahət-əyləncə-alış-veriş mərkəzi inşa olunur. İlkin olaraq “Caspian Waterfront” layihəsi adlandırılan tikili 3,5 hektar ərazini əhatə edir. Tikili “Sydney Opera House” həndəsi formalı olmaqla, Azərbaycanın milli emblemi olan səkkizguşəli ulduz içində alov görüntüsündədir.
120000 m² ümumi sahəsi olan tikili 9 mərtəbəli olacaq. İkimərtəbəli zirzəmi avtodayanacaq kimi nəzərdə tutulub. Üst hissə isə 7 mərtəbədən ibarət olacaq ki, mərkəzdəki alova bənzəyən tikilinin hündürlüyü 67 metrə çatacaq.

Hazırda ərazidə tikinti-quraşdırma işləri davam etdirilir. Layihənin 2016-cı ildə təhvil verilməsi gözlənilir.

Layihənin dizaynını Pasha Construction-ın sifarişi ilə dünyaca məşhur Benoy firması vermişdir.

AzNews.info layihənin fotolarını oxucularına təqdim edir: