Hidayət Sultanov Beynəlxalq bankın baş direktoru oldu

Azərbaycan Beynəlxalq Bankında (ABB) kadr dəyişikliyi baş verib.

AzNews.info-nun verdiyi xəbərə görə, Hidayət Sultanov bankın baş direktoru təyin olunub.

Qeyd edək ki, H. Sultanovdan əvvəl bu vəzifəni Akif Əliyev icra edib.

Xəbəri bankın Mətbuat xidmətindən təsdiqləyiblər.

Xatırladaq ki, Hidayət Sultanov bundan əvvəl Nizami Piriyevin təsis etdiyi "AzMeCo" MMC-nin baş direktoru vəzifəsində çalışıb. H.Sultanov 1955-ci ildə Bakıda anadan olub. O, 1979-cu ildə Azərbaycan Dövlət İqtisad Universitetini bitirmiş, əmək fəaliyyətinə 24 yaşında Azərbaycan Respublikasının Maliyyə Nazirliyində iqtisadçı kimi başlamış, tədricən şöbə rəisi, Dövlət Büdcə Departamentinin rəis müavini, Direktorlar Şurası sədrinin birinci müavini vəzifələrinə yüksəlmişdir.