Kataloniya müstəqillik üçün səs verdi – FOTO

Kataloniyanın İspaniyadan ayrılmasının tərəfdarları regionda parlament seçkilərində qalib gəliblər.

Oxu.Az BBC-yə istinadən xəbər verir ki, separatçı yönümlü “Juns per si” koalisiyası (“Birlikdə müstəqillik uğrunda” seçki bülletenlərinin 94%-nin yoxlanılmasından sonra İspaniyanın Kataloniya muxtar vilayətinin 135 yerlik parlamentində 62 yer alır.

İspaniyadan ayrılmaq uğrunda çıxış edən “Xalq birliyi namizədliyi” (CUP) partiyası da 10 yer alıb.

Kataloniyanın rəhbəri Artur Mas isə əmindir ki, sakinlər regionun İspaniyadan ayrılması üçün seçim ediblər.

“Biz qalib gəldik! Katalonlar müstəqilliyə “hə” dedilər”, - deyə, baş nazir Barselonada tərəfdarlarının mitinqində bildirib.

Partiyalar bir gün əvvəl bəyan ediblər ki, qələbə onlara yarım ildən sonra regionun müstəqilliyini elan etməyə imkan verəcək.

Cavab olaraq İspaniya hökuməti məhkəmə vasitəsilə bu cəhdlərin qarşısını alacağını bildirib.