SOCAR-ın liman müəssisəsi bankdan kredit cəlb etdi

Azərbaycanın Dövlət Neft Şirkətinin (SOCAR) pay sahibi olduğu “Petkim Holding” (Türkiyə) tərəfindən yaradılmış “Petlim Limancılık Ticaret A.S.” şirkəti “Akbank”-dan 212 milyon dollar dəyərində kredit alıb.

Oxu.Az Türkiyənin “Denizhaber” agentliyinə istinadən xəbər verir ki, vəsait Egey dənizində tikilən “Petkim” konteyner limanı layihəsinin maliyyələşdirilməsi üçün cəlb edilib.

“Kredit 3 ili güzəştli olmaqla 13 il müddətinə verilir”, - qəzet yazır.

Qeyd edək ki, tərəflər arasında müqavilə imzalanıb.

Onuda əlavə edək ki, SOCAR törəmə müəssisəsi olan “SOCAR Turkey Enerji”-nin vasitəsilə Türkiyənin “Petkim Petrokimya Holding” neft-kimya kompleksinin səhmlərinin 57,92%-nə sahibdir.

Öz növbəsində “Petkim Petrokimya Holding” “Petlim Limancılık Ticaret A.S.” şirkətində 70% səhm payına malikdir.