Rövnəq Abdullayevdən neftin qiyməti ilə bağlı nikbin – PROQNOZ

Neftin qiyməti ilə bağlı indidən proqnoz vermək düzgün olmaz.

AzNews.info APA-ya istinadən xəbər verir ki, bunu Azərbaycan Dövlət Neft Şirkətinin (SOCAR) prezidenti Rövnəq Abdullayev deyib.

“Heç kim deyə bilməz ki, neftin qiyməti necə olacaq. Neftin qiyməti təkcə iqtisadi amillərdən yox, siyasi, geosiyasi amillərdən də asılıdır. Ona görə, hesab edirik ki, neftin qiymətinin maya dəyəri səviyyəsindən aşağı düşmək imkanı yoxdur və olmayacaq. Neftin hazırkı qiyməti ən aşağı həddədir”, - deyə R. Abdullayev bildirib.

SOCAR prezidentinin proqnozlarına görə, cari ilin ikinci yarısında “qara qızıl”ın qiyməti sabitləşəcək.