“Günaybank” rəsmisi: Bankdan qanunsuz yolla vəsaitin çıxarılması mümkün deyil » AzNews.info -Xəbər portalı

Bölmə: İqtisadiyyat

“Günaybank” rəsmisi: Bankdan qanunsuz yolla vəsaitin çıxarılması mümkün deyil

“Günaybank” rəsmisi: Bankdan qanunsuz yolla vəsaitin çıxarılması mümkün deyil


Bank rəsmisi: “Günaybank”dan qanunsuz yolla vəsaitin çıxarılması qeyri-mümkündür. “Günaybank” ASC-dən hər hansı vəsaitin qanunsuz yolla çıxarılması qeyri-mümkündür.

Oxu.Az-ın xəbərinə görə, bunu bankın İdarə Heyətinin Sədrinin vəzifəsini icra edən Zaur Əhmədov deyib.

Z.Əhmədov qeyd edib ki, ötən gün bəzi kütləvi informasiya vasitələrində “Günaybank” ASC-nin əməkdaşı Emin Zeynalovun bankın əmanətçilərinin vəsaitlərini mənimsəyərək ölkədən qaçması ilə bağlı yayılan məlumatlar əsassızdır.

“Bu məlumatlar həqiqəti əks etdirmir. E.Zeynalov bir ilə yaxındır ki, Günaybank ASC-də çalışırdı. Onun şəxsi borc öhdəlikləri olması barədə şübhələr olduğundan və Bankın gələcəkdə hər hansısa bir reputasiya risklərinə məruz qalmaması səbəbi ilə E.Zeynalov - iyun ayının 5-də vəzifəsindən azad edilib.

Z.Əhmədov əlavə edib ki, E.Zeynalovun şəxsi borc öhdəliklərinin bankın fəaliyyəti ilə heç bir əlaqəsi yoxdur. Korporativ idarəetmə standartlarına əsasən, dördgöz prinsiplərinə uyğun olaraq bankda tətbiq olunan daxili nəzarət və hesabatlıq sistemləri “Günaybank”ASC-dən hər hansı vəsaitin qanunsuz yolla çıxarılmasını mümkünsüz edir. Bank bütün normativlərə həmişə əməl etmiş və bankın maliyyə dayanıqlığı, likvidliyi tamamilə prudensial normalara uyğundur.

Bu cür dəqiqləşdirilməmiş məlumatların kütləvi informasiya vasitələri tərəfindən verilməsi əmanətçilər və bankın müştəriləri arasında çaşqınlıq yaratmaqla “Günaybank” ASC üçün cəmiyyətdə imic riski yaradır. “Günaybank”ASC kütləvi informasiya vasitələrini Bankla bağlı hər hansı bir məlumatı yaymaqdan öncə Bankın rəsmiləri ilə dəqiqləşdirməyə çağırır.

“Günay Bank” ASC Azərbaycan Respublikası Mərkəzi Bankı tərəfindən verilmiş 23 noyabr 1992-ci il tarixli 23 Saylı İcazə əsasında fəaliyyət göstərir. 2017-ci ildə 25 illik yubileyini qeyd edən Bank öz müştərilərinə geniş spektrdə məhsul və xidmətlərin çeşidini təqdim edir.

Mənbə: Oxu.Az
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *