Şərabçılığın inkişafına dair Dövlət Proqramı təsdiqləndi

Prezident İlham Əliyev “2018-2025-ci illərdə Azərbaycan Respublikasında şərabçılığın inkişafına dair Dövlət Proqramı”nın təsdiq edilməsi haqqında sərəncam imzalayıb.

Virtualaz.org bildirir ki, Nazirlər Kabinetinə bu sərəncamla təsdiq edilmiş Dövlət Proqramının icrasını təmin etmək üçün aidiyyəti mərkəzi və yerli icra hakimiyyəti orqanları ilə birlikdə zəruri tədbirlər görmək tapşırılıb.

İqtisadiyyat Nazirliyi Dövlət Proqramında nəzərdə tutulan tədbirlərin həyata keçirilməsini Kənd Təsərrüfatı Nazirliyi ilə birlikdə əlaqələndirəcək və icranın gedişi barədə ildə bir dəfə Azərbaycan Prezidentinə məlumat verəcək.