Rusiyaya səfər edən azərbaycanlıların sayı azalıb

TurStat agentliyi 2017-ci ilin ilk rübündə Rusiyaya daxil olan turistlərin statistikasını araşdırıb.

Oxu.Az-ın məlumatına görə, cari ilin ilk üç ayında Azərbaycandan Rusiyaya 181 min turist səfər edib ki, bu da 2016-cı ilin analoji dövrü ilə müqayisədə 16% azdır.

Ümumilikdə, 2016-cı ilin ilk üç ayı ilə müqayisədə 2017-ci ilin birinci rübündə Rusiyaya turist axını 2,5% azalıb.

Bu müddət ərzində Rusiyaya ən çox turist Ukraynadan gəlib - 1578000. Siyahıda ikinci Qazaxıstan (657000), üçüncü Finlandiya (234000), dördüncü Çin (183000), beşinci Azərbaycan (181000), altıncı yerdə isə Ermənistan (131000) qərarlaşıb.