Nazir: İmkanı olmayanların xərcini ödəməyə güzəşt edə bilərik

Gənclər və idman naziri Azad Rəhimov “Bakı 2017” İslam Həmrəyliyi Oyunlarına qatılmaq imkanı olmayan ölkələrə ediləcək yardım barədə açıqlama verib.

Aznews.info-un Report-a istinadən verdiyi məlumata görə, Oyunların Əməliyyat Komitəsinin icraçı direktoru nəqliyyat və qidalanma xərclərində güzəştlərin mümkünlüyünü dilə gətirib.

O bildirib ki, müqaviləyə əsasən, Azərbaycan Oyunlarda iştirak edəcək ölkələrin səfər xərclərini ödəməyəcək: “Qidalanmaya gəldikdə, iştirakçı idmançıların hər biri üçün onun ölkəsi 50 dollar ödəməlidir. İmkanı olmayanların nəqliyyat xərcini ödəməyə və qidalanmada güzəşt edə bilərik”.

Qeyd edək ki, IV İslam Həmrəyliyi Oyunları 12-22 mayda keçiriləcək.