Avroparlament Gürcüstan üçün viza rejimini ləğv etdi

Avropa Parlamenti Gürcüstan vətəndaşları üçün viza rejiminin ləğv edilməsinin lehinə səs verib.

Oxu.Az RİA Novosti-yə istinadən xəbər verir ki, birbaşa yayımı Avropa Komissiyasının videoxidməti aparırdı.

Avropa İttifaqı tərəfindən Gürcüstan vtəndaşları üçün viza rejiminin ləğv edilməsi məsələsi üzrə Avropa Parlamentinin məruzəçisi Mariya Qabriel daha öncə Aİ Şurasını Gürcüstan ilə vizasız rejimə keçid barədə siyasi qərarı təsdiqləməyə çağırmışdı.

Hazırda Gürcüstan üçün vizasız rejimi Aİ Şurası təsdiqləməlidir. Qərar Aİ-nin rəsmi jurnalında dərc edildikdən sonra qüvvəyə minəcək, onunla eyni zamanda vizasız rejimin dayandırılması mexanizmi qüvvəyə minəcək.