İstanbuldan Bakıya yeni aviareys açılır

“Türk Hava Yolları” (THY) aviaşirkəti İstanbulun Səbiha Gökçen aeroportundan Bakıya reys açır.

AzNews.info-nun xəbərinə görə, Trend-in “Haberkule” qəzetinə istinadən verdiyi məlumata görə, aviaşirkət yeni reysin reallaşdırılmasına bu il martın 15-dən başlayacaq.

THY-nin təyyarələri adıçəkilən aerportdan Bakıya həftədə yeddi dəfə reyslər həyata keçirəcəklər.

THY-nin digər ölkələrə də yeni reyslər açmaq planları var.