Azərbaycan olimpiya çempionlarını ən çox qiymətləndirən ölkədir – FOTO

Braziliyanın Rio-de-Janeyro şəhərində keçirilən XXXI Yay Olimpiya Oyunları çərçivəsində olimpiya qızılına görə dünya ölkələrinin çempionlarına verdikləri pul mükafatının həcmi açıqlanıb.

Oxu.Az xəbər verir ki, “Amerikanın Səsi”nin dərc etdiyi cədvələ əsasən, Azərbaycan siyahıda birinci yerdədir.

Siyahıdakı rəqəmə əsasən, Azərbaycan olimpiya qızılına görə idmançılara 510 min dollar vərəcək. Ancaq Azərbaycan Respublikasının Prezidentinin 18 iyul 2016-cı il sərəncamına uyğun olaraq birinci yerin qaliblərinə 400 min manat mükafat veriləcəyi açıqlanıb.

Siyahıda yer alan ölkələr arasında Böyük Britaniya olimpiya qızılına görə idmançılara heç bir mükafat nəzərdə tutmayıb.