Antalya mövsümü itki ilə başa vurub

Oxu.Az “Hürriyet”ə istinadən xəbər verir ki, bu sözləri Antalyanın yeni turizm valisi Münir Karaloğlu deyib.

“Dünyada hər kəsin zehnində bir Antalya markası yaratmalıyıq. Ən az Dubay, Barselona, Valensiya qədər. Bunu edə bilərik, mən buna inanıram”.

Onun sözlərinə görə, Antalya digər bazarlara da istiqamətlənməlidir:

“1-2 bazara istiqamətlənib çalışmaq çox asan ola bilər və ondan kifayət qədər vəsait əldə edə bilərik. Ancaq həmin bazarlarda hansısa bir çətinlik yaşananda, biz sıxıntı yaşayırıq. Rusiya ilə yaşadığımız böhrandan sonra, heç kim qaranti edə bilməz ki, eyni problemi Avropa İttifaqı ilə də yaşamayacağıq.

Orta Şərq, ərəb bazarlarına istiqamətlənmək olar. Amma bir nəfər mənə izah etsin ki, bu bazarlara kifayət qədər yaxın olduğumuz halda, niyə orada yoxuq?”.

Aralıq dənizi Hotelçilər Assosiasiyasının (AKOTOB) rəhbəri Yusif Hacısüleyman isə bildirib ki, bu il Antaliya mövsümü 45/100 itki ilə bağlayıb.