Prezidentin köməkçisi: Valyuta bazarında sabitlik müşahidə olunur

Aparılan məqsədyönlü işlər nəticəsində hazırda valyuta bazarında sabitlik müşahidə olunur. Manat öz fundamental qiymətini tapmaqdadır.

Oxu.Az Fins.az-a istinadən xəbər verir ki, bu sözləri Azərbaycan Respublikası Prezidentinin İqtisadi islahatlar üzrə köməkçisi Natiq Əmirov Nobel sülh mükafatı laureatı Məhəmməd Yunusla Azərbaycan Dövlət İqtisad Universitetində görüşü zamanı bildirib.

“Neftin qiymətinin kəskin ucuzlaşması, dünya maliyyə bazarlarında baş verən proseslərin bank sektoruna, ölkəyə daxil olan xarici investisiyalara mənfi təsiri, əsas ticarət tərəfdaşlarımızın milli valyutalarının silsilə devalvasiyaya uğraması, qeyri-neft sektorunun rəqabət qabiliyyətini qorunub-saxlanılması məqsədilə ölkəmizdə milli valyutanın devalvasiyasını zərurətə çevirib”, - deyə N.Əmirov çıxışı zamanı qeyd edib.