Brent markalı neftin qiyməti 50 dollardan aşağı düşdü

Bu gün Bakı vaxtı ilə saat 09:00-a olan məlumata görə, ICE London qitələrarası birjasında Brent markalı neftin qiyməti 49,92 dollar olub.

Oxu.Az Bloomberg-ə istinadən xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 48,38 dollar təşkil edib.

Qeyd edək ki, şənbə günü hərracların nəticələrinə görə, Brent və WTI markalı neftin bir barelinin qiyməti müvafiq olaraq 50,54 və 49,07 dollar təşkil etmişdi.