Dünyanın ən bahalı brendləri – SİYAHI

ABŞ-ın “Apple” şirkəti dünyanın ən bahalı brendləri siyahısında növbəti dəfə liderliyini saxlayıb.

Oxu.Az xəbər verir ki, “Forbes” nəşrinin hazırladığı reytinqə əsasən, şirkət 154,1 milyard dollar dəyərində qiymətləndirilib.

Qeyd olunur ki, şirkətin gəlirlərinin aşağı düşməsinə baxmayaraq “Apple” yüksək texnologiya sənayesində liderliyini saxlaya bilib.

Korporasiya ən yaxın izləyicisi “Google” şirkətini xeyli geridə qoyub, baxmayaraq ki, “Google” son ildə əhəmiyyətli artım göstərib. “Google” brendi 82,5 milyard dollar məbləğində qiymətləndirilib.

“Microsoft” şirkəti üçüncü (75, 2 milyard dollar), “Coca-Cola” dördüncü (58,5 milyard dollar), “Facebook” isə beşinci yerdə (52,6 milyard dollar) qərarlaşıb. İlk onluğa həmçinin Toyota, IBM, Disney, McDonald’s və General Electric şirkətləri daxil olub.