Vaşinqtonda “dollar“ qonaqlığı verən icra başçısı qızının kimliyi bilindi

Amerika Birləşmiş Ştatlarında (Vaşinqton) yaşayan Azərbaycanın icra başçılarından birinin qızı öz dostlarını verdiyi qonaqlıqla heyrətləndirə bilib. Təxminən bir ay öncə yaxın çevrəsini ətrafına toplayan bu xanım onlara “Dollar qonaqlığı” verib.

Modern.az saytının verdiyi məlumata görə, icra başçısının qızının təşkil etdiyi məclisə təşrif buyuranların hər birinin boşqabına 100 dollarlıq əskinaslar düzülüb. Bu, həm də Azərbaycanda devalvasiya dövrünə təsadüf edir.

AzToday.az-a daxil olan ilginc məlumata görə, modern.az saytının adını açıqlamaq istəmədiyi xanımın atasının Kəlbəcər rayonun icra başçısı Aqil Məmmədov olduğu iddia edilir. Sosial şəbəkələrdə böyük rezonans doğuran xəbərə şərh yazanlarin bir-neçəsi həmin xanımın Aqil Məmmədovun qızı olduğunu bildiriblər.

Məlumatı araşdırmaqda davam edirik.