Nazir müavini: Nəqliyyat tarifləri artırılmayacaq

Azərbaycanın nəqliyyat nazirinin müavini Musa Pənahov nəqliyyat tariflərinin artırılıb-artırılmaması məsələsinə aydınlıq gətirib.

Oxu.Az-ın məlumatına görə, nazir müavini jurnalistlərə bildirib ki, Azərbaycan ərazisində nəqliyyat tariflərinin artırılması barədə Tarif Şurasına müraciət olunmayıb.

Onun sözlərinə görə, qiymətlərin artırılması məsələsi gündəmdə deyil.

“Tariflərin artırılması barədə Tarif Şurasına müraciət olunmayıb, bu məsələ gündəmdə də deyil”.

Nazir müavini onu da bildirib ki, hazırda ölkəyə yeni gətirilən avtobusların xəttə buraxılması nəzərdə tutulur.