İtaliyada işdə pornoya baxmağa icazə verildi

İtaliyanın Ali məhkəməsi əməkdaşların iş yerində nahar fasiləsi zamanı pornoqrafiyaya baxmağa ixtiyarları olduğunu qərara alıb.

Oxu.Az Telegraph-a istinadən xəbər verir ki, müxtəlif müəssisələrin əməkdaşları asudə vaxtlarında istənilən fəaliyyətlə məşğul ola bilərlər, əsas odur ki, bu, onların iş qabiliyyətini azaltmasın.

Beləliklə, Ali məhkəmə aşağı instansiyanın “Fiat” avtomobil zavodunun əməkdaşının iş kompüterində pornoya baxdığı üçün işdən azad olunmasına dair qərarı ədalətli hesab edən aşağı instansiyanın qərarını ləğv edib.

Bu hadisədən sonra kişinin şkafını axtarıblar və orada böyüklər üçün daha iki film tapıblar. Hadisə 2008-ci ildə baş verib. Bununla yanaşı, pornoya baxarkən yaxalanan əməkdaş digər işçilərə mane olmadığını bildirib.

Onun işdən azad olunmasına dair işə 2010-cu ildən baxmağa başlanılıb. Amma yekun qərar yalnız indi qəbul edilib.