Ukrayna Azərbaycana diri heyvan ixracını artırdı

Rəsmi məlumatlara görə, bu ilin birinci yarısında Ukrayna 23 min baş diri iribuynuzlu heyvan ixrac edib, bu isə keçən ilin göstəricilərindən təxminən iki dəfə çoxdur, AgroNews-a “Ukrayna aqrar biznesi klubu”ndan bildiriblər.

Oxu.Az xəbər verir ki, Ukraynanın diri heyvanı üçün əsas ixrac bazarı Misirdir, bu ölkəyə 16,5 min heyvan göndərilib və ya ixrac strukturunda 71% ixrac həyata keçirilib.

İkinci yeri 17% ilə Azərbaycan, üçüncü yeri isə 5% ilə Özbəkistan tutub.