Məşhur müğənninin yaxın qohumu ölümdən qayıtdı

Türkiyənin tanınmış müğənnisi Fərdi Tayfurun yaxın qohumu Fərdu Tufan Bayburt aktyor Mert Türkoğlu ilə birlikdə ağır yol nəqliyyat qəzası keçirib.

ANS PRESS-in məlumatına görə, qəza sürücü Mert Türkoğlunun idarə etdiyi avtomobilə nəzarəti itirməsi nəticəsində baş verib.

Türkoğlu və Bayburt bahalı avtomobillə Sarıyer istiqamətində hərəkətdə olarkən nəzarətin itirilməsi nəticəsində sürücü maşını Maslak körpüsünün dirəyinə çırpıb.

Ağır xəsarət alan ikili əzilən avtomobildə sıxılaraq qalıblar. Onları hadisə yerinə cəlb olunan yanğınsöndürmə briqadaları və xilaseidicilər sıxıldıqları yerdən çıxarıblar.

Fərdi Tufan Bayburt və Mert Türkoğlu xəstəxanaya çatdırılıb. Faktla bağlı istintaq başladılıb və araşdırmalar davam edir.