İş adamının svarovski ilə bəzədilmiş lüks avtomobili – FOTO

Minskdə beynəlxalq axtarışda olan 45 yaşlı rusiyalı saxlanılıb. ANS PRESS-in məlumatına görə, saxlanılan şəxs ağır iqtisadi cinayətin törədilməsində ittiham edilir.

Məlum olub ki, saxlanılan Amur vilayətində "Vostoçnıy" kosmodromun inşa edilməsində iştirak edən inşaat təşkilatlarından birinin direktorudur. İstintaqın rəyinə görə, firma təxminən 4 milyon Rusiya rublu məbləğində əvvəlcədən ödənişi alıb. Lakin alınan məbləğ digər sahələrə xərclənib.

Göstərilən təşkilatın vəzifəli şəxsinə qarşı külli miqdarda dövlət vəsaitini mənimsəmə maddəsi ilə cinayət işi açılıb. Ancaq cinayət işinin fiqurantı Rusiya polisindən işçilərindən gizlənməyi bacarıb. O xüsüsi əməliyyat nəticəsində Minskdə yaxalanıb.

Hazırda saxlanılan şəxs nəzarət altındadır və onun ekstradisiyası haqqında məsələ həll edilir. Ancaq Rusiya sosial şəbəkələrin istifadəçilərini cinayətkarın özünün həbsi faktını deyil, onun saxlandığı "Mercedes" avtomobili daha çox maraqlandırıb. Onun Minskdə saxlandığı maşın tam olaraq "Svarovski" qaşları ilə bəzədilib.