Növbə "Broker" MMC-nin rəhbəri Əbülfəz Məlikova çatır - Həbs təhlükəsi ?

Dünən Dövlət Gömrük Komitəsində kadr islahatı aparıldı. Məlum oldu ki, Aydın Əliyev DGK-nın Astara, xaçmaz və Biləsuvardakı rəhbər əxslərini dəyişdi.

Məlum olur ki, həmin şəxslər iqtidardaxili «Nehrəm cinahı»nı aid olublar və onlar komitə sədrinin 1-ci müavini Səfər Mehdiyevin kadrı hesab olunublar.

Bizə çatan məlumatlara görə, gömrükxana rəislərinin «vurulmasında» əsas səbəblərdən biri onların adlarının «maliyyə xəyanəti» işində hallanması faktı olduğundan hətta Səfər Mehdiyev belə rəisləri müdafiə edə bilməyib və onlar işdən azad olunublar.

Vertikal.az bildirir ki, DGK sistemində əlavə müdaxilələr də olacaq. Məlumata görə, bu dəfə hədəfə alınan şəxsin kimliyi də məlumdur.

Uzun müddətdir gömrük sistemində əsas favorit qurum kimi diqqətə gələn «Broker» MMC-nin rəhbəri Əbülfəz Məlikov də bu sırada ön yerdə dayananlardandır.

Məlumata görə, artıq Əbülfəz Məlikovla söhbət aparılıb və ondan təxminən 120 milyon manatlıq «maliyyə xəyanətinin» hesabı sorulub.