Peterburqda Jirinovskinin azərbaycanlı işsiz tərəfdarının “Lexus”unu qaçırdılar

Sankt-Peterburq polisi Rusiyanın Liberal Demokrat Partiyasının azərbaycanlı işsiz üzvünün qaçırılmış Lexus LX-570 avtomobilini axtarır.

Oxu.Az Rusiya KİV-nə istinadən xəbər verir ki, çərşənbə günü 46 yaşlı azərbaycanlı şəhərin Krasnoqvardeysk rayonunda Zamşina küçəsində avtomobilini parkinq edib və 10 dəqiqəlik dayanacaqdan uzaqlaşıb. O, qayıdanda maşının oğurlandığını aşkar edib.

Polis artıq cinayətkarları müəyyən edib. Onlar iki nəfərdir.

Avtomobilin qiyməti 3.7 milyon rubl (62 530 man.) təşkil edir.