İstanbul terrorçularının üzərindən Rusiya pasportları çıxdı

İstanbul polisi Atatürk hava limanında partlayışlar törədən terrorçulardan ikisinin şəxsiyyətini müəyyənləşdirib.

Oxu.Az Hurriyet qəzetinə istinadən xəbər verir ki, özlərini partladan “canlı bombalar” Rusiya vətəndaşları Rakim Bulqarov və Vadim Osmanovdur. Hər iki yaraqlının üstündən şəxsiyyəti təsdiq edən Rusiya Federasiyasının pasportu aşkarlanıb.

Hazırda üçüncü terrorçu-kamekadzenin şəxsiyyətinin müəyyən edilməsi üzrə işlər aparılır.

Qeyd edək ki, Atatürk aeroportunun giriş və çıxışında, eləcə də avtomobil dayanacağında törədilən partlayışlar zamanı 44 nəfər ölüb, daha 239 nəfər isə yaralanıb.

Partlayışlara görə məsuliyyəti “İslam dövləti” (İŞİD) terror qruplaşması üzərinə götürüb.