Lənkəranda qadın itkin düşdü – FOTO

Lənkəranda 30 yaşlı qadın iki övladı ilə birgə itkin düşüb.

AzNews.info APA-ya istinadən xəbər verir ki, bu barədə Lənkəran Şəhər-Rayon Polis Şöbəsindən (ŞRPŞ bildirilib.

Belə ki, rayonun Boladi kənd sakini, 1985-ci il təvəllüdlü Ceyran Nəsir qızı Əliyeva bu il avqustun 29-da oğlanları - 9 yaşlı Nasir Zamin oğlu Əliyev və 4 yaşlı Yusif Zamin oğlu Əliyevi özü ilə götürərək yaşadığı ünvandan naməlum istiqamətə gedib və geri qayıtmayıb.

Qadının boyu 160 sm, orta bədən quruluşlu, gözləri qəhvəyi rəngdədir, əynində açıq qəhvəyi rəngli xalat, başında ağ rəngli baş örtüyü olub.

Naməlum şəraitdə itkin düşmüş Ceyran Nəsir qızı Əliyevanı, oğlanları Nasir və Yusifi görüb-tanıyanlardan Lənkəran ŞRPŞ-nin aşağıdakı telefon nömrələrinə məlumat vermələri xahiş olunur:

(02525) 4-83-38; 2-17-02, (050) 531-74-21; (050) 570-58-98 (mobil).