İnquşetiyada 8 nəfərdən ibarət silahlı qrup məhv edilib

İnquşetiya Respublikasının Çeçenistanla sərhəddə yerləşən Sunjensk rayonunun Datıx kəndi ərazisində 8 nəfərdən ibarət silahlı qrup zərərsizləşdirilib.

Oxu.Az xəbər verir ki, bu barədə “İnterfax” yerli hüquq-mühafizə orqanlarına istinadən xəbər verir.

“Bu günlərdə artilleriyanın da istifadə ediməsi ilə 8 nəfərdən ibarət silahlı qrup məhv edilib. Hal-hazırda onların şəxsiyyəti müəyyənləşdirilir”, - məlumatda deyilir.

İlkin araşdırmaların nəticəsinə əsasən, öldürülənlər Açxoy-Martan silahlı qrupunun üzvləridirlər.

Mənbənin sözlərinə görə, yaraqlıların məhv edilməsi xüsusi təyinatlıların apardığı uğurlu əməliyyatın sayəsində mümkün olub.