"Malaziya hava yolları" layneri təcili aeroporta qayıtdı

Artıq bir il ərzində "Malaziya hava yolları" şirkətinin təyyarəsi ilə bağlı üçüncü hadisə baş verir.

ANS PRESS-in məlumatına görə, Tokioya üçan təyyarə təhlükəsizlik səbəblərindən Kuala-Lumpur aeroportuna qayıtmalı olub. 50 dəqiqə uçuş ərzində səmada laynerə nə olduğu hələ məlum deyil.

Qeyd edək ki, Amsterdamdan Kuala-Lumpura üçan "Malaziya hava yolları" aviaşirkətinin layneri Ukraynanın ərazisində qəzaya düşmüşdü. İyulun 17-də Donetsk ərazisində vurulan təyyarədə 298 insan həlak olub.

Mart ayının 8-də isə "Boinq-777" Kuala-Lumpurdan havaya qalxdı. Hava gəmisinin sükanı arxasında təcrübəli 53 yaşlı pilot Zaxari Axmad Şahın idi. Pekində bortu səhər saat 6:30-da gözləyirdilər, ancaq 2:40-da layner radarlardan yox oldu.

İndiyə qədər təyyarəyə nə olduğu haqda heç nə məlum deyil.