Səfirin həyat yoldaşı yol qəzasına düşdü

Çexiyanın Azərbaycandakı səfirinin həyat yoldaşı Bakıda qəzaya düşdü.

AzNews.info-nun Report -a istinadən verdiyi məlumatına görə, Çexiyanın Azərbaycandakı səfirinin həyat yoldaşı Bakının Nərimanov rayonu ərazisində yol qəzasına düşüb.

Nərimanov Rayon Polis İdarəsindən bildirilib ki, hadisə Təbriz küçəsində baş verib. Səfirin həyat yoldaşı 39 yaşlı Monika Pivonkanın olduğu “Mercedes” markalı avtomobil “Nissan” markalı maşınla toqquşub. Hadisə nəticəsində xəsarət alan olmasa da, hər iki avtomobilə ziyan dəyib.

Məsələ ilə bağlı Çexiyanın Azərbaycandakı səfirliyi bu barədə açıqlama verməkdən imtina etdilər.

M.Pivonkanın olduğu avtomobil səfirliyə məxsusdur.