Bağla

AzNews.info



Bölmə: Sosial

İranla sərhəddə qadınlara qadağa

İranla sərhəddə qadınlara qadağa


Azərbaycanın İranla sərhəddə yerləşən gömrük məntəqələrində qadınlara İrandan siqaret gətirmək qadağan olunub.

AzNews.info BBC Azərabaycanca-ya istinadən xəbər verir ki, bunu cənub bölgəsinin sakinləri deyir.

Əsasən, alver məqsədilə İrana keçən sakinlər artıq qonşu ölkəyə gedib-gəlməyin sərf etmədiyini bildirib. Sakinlər deyirlər ki, Azərbaycandan İrana bağlama aparmağa icazə verilmir. Sərhədi ayda 1 və ya 2 dəfə keçmək olur. Bu zaman isə yalnız kişilər 3 blok siqaret və 30 kiloqram yük gətirə bilər. Hətta Cəlilabadda bir sakin qadınların İrandan siqaret gətirməsinin Nazirlər Kabinetinin qərarı ilə qadağan edildiyinə inanır.

Dövlət Gömrük Komitəsinin mətbuat xidmətindən bu iddialara cavab almaq hələlik mümkün olmasa da, Qaynar Xətt deyilənləri qismən təsdiqləyib. Qaynar Xəttdən bildirilib ki, qadınlara siqaret gətirməklə bağlı "xüsusi bir qadağa yoxdur".

Lakin "gömrük orqanı sərhəddən keçirilən malların fiziki şəxsin və onun ailə üzvlərinin şəxsi istifadəsi və istehlakı məqsədləri üçün keçirildiyini yəqinləşdirməkdə səlahiyyətlidir".

Bu, o deməkdir ki, orqan əməkdaşı siqaret çəkdiyinə inanmadığı adamın bu məhsulu keçirməsinə imkan yaratmaya bilər. Qaynar Xəttdən bildiriblər ki, bu tədbirlər qanunsuz ticarətlə mübarizə üsulu kimi tətbiq edilir. O əlavə edir ki, bu məsələ ilə bağlı İran vətəndaşlarından çoxsaylı şikayət daxil olub.

"Onlar özləri etiraf edirdilər ki, siqareti gətirirlər və burada satışı ilə məşğul olanlara satırlar", qurum əməkdaşı bildirib.

Hüquqşünas Samirə Ağayeva qadınlara sərhəddən siqaret keçirməyin qadağan olunması iddialarını qanun pozuntusu hesab edir: "Bizim qanunvericiliyə əsasən, kişi və qadın bərabərdir. Qadınlara cinsinə görə qadağa qoyulursa, bu, ayrı-seçkilik deməkdir".

Mənbə: BBC Azərbaycanca

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *