Millimizin üzvü Almaniyadan qayıtdı

Qış transfer dönəmində “Sumqayıt”a keçən Uğur Pamuk zədəsini sağaldıb.

“Qafqazinfo”nun klubun rəsmi saytına istinadən məlumatına görə, Almaniyada əməliyyat olunan milli komandamızın üzvü artıq Azərbaycana dönüb.

26 yaşlı futbolçu hətta komanda ilə birlikdə məşqlərə də başlayıb. O, “gənclik şəhəri” təmsilçisində 76 nömrəli forma altında çıxış edəcək.

Qeyd edək ki, Uğur Pamuk 2012/2013 mövsümündə "Sumqayıt"ın heyətində 14 qarşılaşmada meydana çıxıb (1194 dəqiqə), 1 qol vurub. Daha sonra 2013/2014 mövsümünün ikinci yarısında yenidən bu komandaya qayıdan adıçəkilən futbolçu bu dəfə 13 görüşdə 1061 dəqiqə oynayıb və rəqib qapılarından 2 top keçirib.