Rafael Ağayev 11 qat Avropa çempionudur

Serbiyanın Novi Sad şəhərində keçirilən karate üzrə Avropa çempionatı davam edir. Kumitedə 75 kq çəki dərəcəsində mübarizə aparan idmançımız Rafael Ağayev final görüşündə Qabor Harspatakini məğlub edərək, çempion olub.

Beləliklə, Rafael Ağayev 11-ci dəfə qitə birinciliyinin qalibi adını qazanıb.

Rafael Ağayev karyerası ərzində beş dəfə dünya çempionatının, iki dəfə İslam Həmrəyliyi Oyunlarının, bir dəfə isə Avropa Oyunlarının qalibi olub.