Millimizin Şimali İrlandiyaya qarşı start heyəti açıqlandı

Futbol üzrə Azərbaycan yığmasının baş məşqçisi Robert Prosineçki sabah Şimali İrlandiyaya qarşı keçiriləcək oyun üçün millinin start heyətini açıqlayıb.

Oxu.Az-ın məlumatına görə, ilk dəqiqələrdə meydanda Kamran Ağayev, Maksim Medvedev, Bədavi Hüseynov, Rəşad Sadıqov, Pavel Paşayev, Qara Qarayev, Riçard Almeyda, Cavid Hüseynov, Əfran İsmayılov, Dmitri Nazarov və Ramil Şeydayev mübarizə aparacaq.

“Dünən iki futbolçumuz yüngül zədə alıb. Hazırda onlar məşq edirlər. Əgər hər şey yaxşı olsa, o zaman mən dediyim heyətlə meydana çıxacağıq”, - Prosineçki əlavə edib.

Qeyd edək ki, qarşılaşma sabah saat 20:00-da Tofiq Bəhramov adına respublika stadionunda keçiriləcək.