Voleybolçu qızlarımız Avropa çempionatı ilə vidalaşdılar

Belçika və Niderlandda qadın voleybolçular arasında Avropa çempionatının final mərhələsi davam edir. Çempionatın qrup mərhələsinə bu gün yekun vurulub. Azərbaycan millisinin yer aldığı “B” qrupunun oyunları Belçikanın Antverpen şəhərində keçirilib.

Oxu.Az xəbər verir ki, ilk iki turda Türkiyə və Belçika millilərinə məğlub olan Azərbaycan voleybolçuları sonuncu görüşdə də Macarıstan yığmasına 1:3 (16:25, 28:26, 22:25, 16:25) hesab ilə uduzublar. Beləliklə, qrupda dördüncü sırada qərarlaşan komandamız pley-off mərhələsinə yüksələ bilməyib.

“B” qrupuna hesabında 6 xal olan Belçika başçılıq edir. Türkiyə millisi 6 xalla ikinci yerdədir. Aktivlərində 3 xal olan Macarıstan üçüncü olub.

Macarıstan komandası Avropa çempionatının pley-off mərhələsində “D” qrupunun ikincisi olan Almaniya millisi ilə üz-üzə gələcək.