Böyük Səhra cənnətə çevrilə bilər

“Science” akademik nəşrində yayımlanan bir araşdırma günəş panelləri və külək turbinləri vasitəsilə Böyük Səhradakı yağış, istilik və yaşıllıq nisbətinin dəyişə biləcəyini irəli sürür.

Oxu.Az xəbər verir ki, araşdırmanın detalları günəş və külək elektrik stansiyaları vasitəsilə bölgəyə düşən yağıntının arta biləcəyini göstərir.

Ancaq bunun üçün doqquz milyon kvadrat kilometr ərazidə enerji mənbələrinin tikilməsi zəruridir.

Alimlər bu qənaətə gəliblər ki, burada tikiləcək nəhəng elektrik stansiyaları bütün dünyanın istifadə etdiyi enerjidən dörd dəfə çox enerji istehsal edə bilər.

İllions Universitetinin alimi Dr. Yan Li bu modelin Böyük Səhradakı yağıntı miqdarını 20-dən 500 mm-ə qədər artıracağını və bunun bitki örtüyünün artmasına zəmin hazırlayacağını deyib.