İlham Əliyevin oğlu əlaçı oldu – FOTO

Prezident İlham Əliyevin oğlu Heydər Əliyev təhsil aldığı ADA Universitetində yay imtahan sessiyasını uğurla başa vurub.

AzNews.info xəbər verir ki, bu barədə AzVision.az-a onun qrup yoldaşları məlumat verib.

Bildirilib ki, H. Əliyev imtahanlar zamanı çox yüksək nəticə göstərib.

“İmtahanlarımız artıq başa çatıb. Heydər Əliyev dərslərini çox yaxşı oxuyurdu. O, bütün imtahanlarda yüksək nəticə göstərib və əlaçı olub”.

Qeyd edək ki, prezident İlham Əliyevin oğlu Heydər Əliyev 2013-cü ildə 590 balla Azərbaycan Diplomatiya Akademiyasına qəbul olub. 1997-ci il təvəllüdlü Heydər Əliyev akademiyada beynəlxalq münasibətlər ixtisası üzrə ödənişli əsaslarla təhsil alır.

Bir müddət öncə jurnalistlərə müsahibə verən H.Əliyev oxuduğu ali təhsil müəssisəsində qiymətlərinin yaxşı olduğunu bildirmişdi.