Kilosu 1250 dollarlıq çay

Türkiyənin Şərqi Qaradəniz bölgəsinin Rizə, Trabzon, Artvin və Girəsun vilayətlərində ilk dəfə olaraq ağ çay yığılıb.

ANS PRESS-in məlumatına görə, üç şirkət tərəfindən əkilən və tumurcuq adlandırılan çayın çiçəkləri əllə toplanıb. Toplam olaraq 645 kiloqram ağ çay yığılıb.

Çayı almaq üçün Rizə ticarət bircasına minə yaxın müraciət edilib. İlk olaraq 70 kiloqram çay satılıb.

Həmin çay 60 nəfərə kiloqramı 1100 - 1250 dollardan satılıb. Həmin çay partiyası üçün isə 200 nəfər müraciət edibmiş.