Bakıda qız zorlandı?

Bakının Nəsimi rayonunda 14 yaşlı qızın zorlandığı iddia edilir. ANS PRESS-in məlumatına görə, bu barədə şikayət Nəsimi rayon Polis İdarəsi 20-ci polis bölməsinə edilib.

Şikayət edən gənc xanım Şəhla (ad şərtidir) bildirib ki, tanışının mənzilində zorlanıb. Qız deyib ki, tanışı onunla məcuri cinsi əlaqədə olub.
Şikayətdən sonra həmin şəxs polis bölməsinə çağırılıb və araşdırma aparılıb.

Araşdırmalar zamanı məlum olub ki, hadisə əslində şikayətçi bildirdiyi kimi olmayıb.

"Əvvəla onun 14 yox, 18 yaşı var. Məlum olub ki, qızla həmin şəxs əvvəllər sevgili olub. Onlar arasında cinsi münasibət könüllü olub. Lakin sonradan aralarında problem yaranıb. Bu səbəbdən qız zorlanması barədə şikayət edib. Zorlanma barədə edilən şikayətdə əsaslar olmadığı üçün həmin şəxs sərbəst buraxılıb. Lakin iş araşdırılması üçün prokurorluğa göndərilib", deyə müstəntiq bildirib.

Faktla bağlı araşdırma aparılır.