Başqırdıstanda yük qatarları toqquşub: ölənlər var

Başqırdıstanda iki yük qatarının toqquşması nəticəsində üç nəfər ölüb, bir nəfər xəsarət alıb.

AzNews.info-nun Report-a istinadla məlumatına görə, bu barədə respublikanın təcili xidmətlərindəki mənbə “RİA Novosti”yə xəbər verib.

“İki qatar toqquşub. Onlardan biri filizlə dolu, digəri boş olub”, – deyə mənbə bildirib.

Fövqəladə Hallar Nazirliyinin (FHN) regional bölməsinin rəsmi məlumatına görə, hadisə Uçalinsk filizsaflaşdırma kombinatının ərazisində, Uçala şəhərində, yerli vaxtla saat 15:05 radələrində baş verib.

“Yaşayış məntəqəsinə hər hansı təhlükə yoxdur. Hadisə yerində 27 nəfər və üç ədəd texnika işləyir”, - deyə Başqırdırdıstan FHN-in mətbuat katibi Yelena Mavlyutova bildirib.

İstintaq Komitəsi hələlik vəziyyəti şərh etməyib.