Hindistanda qatar aşıb, çoxlu ölən və yaralanan var

Hindistanın şimalında sərnişin qatarının 14 vaqonunun relsdən çıxaraq aşması nəticəsində ölənlərin sayı 91-ə çatıb, 150 nəfər xəsarət alıb.

Aznews.info APA-ya istinadən xəbər verir ki, bu barədə Frans Press-ə Kanpur şəhərinin polis rəisi Zəki Əhməd bildirib.

İnsident Pukrayan şəhəri yaxınlığında baş verib. Qəzanın səbəbi hələlik məlum deyil. Qəzanın relsin sınması nəticəsində baş verməsi istisna olunmur.