Azərbaycandan olan cütlük Ukraynada yol qəzasında öldü

Avqustun 11-də Naqornoe kəndində Kiyev-Çop yolunda Lvov-Mukaçevo marşrutu üzrə hərəkət edən turizm avtobusunun BMW markalı avtomobil ilə toqquşması nəticəsində iki nəfər ölüb.

Oxu.Az Ukrayna KİV-nə istinadən xəbər verir ki, qəzada Azərbaycandan olan cütlük ölüb. Onların üç uşağı müxtəlif dərəcəli xəsarətlər alıb və hazırda xəstəxanadadırlar.

Turizm avtobusunun daha doqquz sərnişini müxtəlif dərəcəli xəsarətlər alıb.

BMW markalı avtomobilin sürücüsü başqa avtomobili ötməyə çalışıb. Bu zaman avtobusla qarşı-qarşıya gəlib. Zərbədən minik maşını kənara düşüb. Avtomobil səddə çırpılaraq alışıb.