Azərbaycanlı aparıcının anası ağır yaralandı

1Xəbər.com xəbər verir ki, dünən Kürdəmir rayon Xaldan yolunda ağır avtomobil qəzası baş verib. Nəticədə ATV-nin aparıcısı Vüsalə Kərimovanın atası Nazim bəyin idarə etdiyi avtomobil qarşıdan gələn və idarəni itirən Mercedec markalı minik avtomobilindən qaça bilmədiyindən ağır yol qəzası baş verib.

Qəza nəticəsində aparıcının anası Güləndam xanım ağır yaralanıb, sağ ayağı bud sümüyündən qırılıb.

Qarşı tərəfdən gələn avtomobilin 4 sərnişindən biri isə elə hadisə yerindəcə dünyasını dəyişib. Sərnişinlər və sürücü alkoqolun qurbanı olublar.
Hadisə haqda məlumat verən teleaparıcı Vüsalə Kərimova valideynlərinin iyulunun 9-u axşam - 18:00 radələrində Qaxdan Gəncəyə yola düşdüklərini, onların maşınını vuran qarşı tərəfin isə Gəncədən Bərdəyə getdiklərini dedi. Ayağı sınan Güləndam xanıma Yevlax rayon xəstəxanasında ilk tibbi yardım göstəriləndən sonra Bakıya gətirilib. Sabah isə Bakının özəl klinikalarının birində sınan sağ ayağa mil qoymaq məqsədi ilə əməliyyat keçiriləcək.
Allah şəfa versin!