Somalidə silahlı dəstə hotelə hücum edib

Somalinin paytaxtı Moqadişoda silahlı şəxslər hotelin qarşısında avtomobili partladıb, daha sonra binaya hücum ediblər.

AzNews.info APA-ya istinadən xəbər verir ki, bu barədə “Assoşieyted Press” məlumat yayıb.

Polisin məlumatına əsasən, “Əş-Şəbab” terror qruplaşmasının üzvləri olduğu ehtimal edilən silahlılar Moqadişoda “Nasa-Hablod” otelinə hücum ediblər.

Son məlumata görə, hazırda silahlılar və hotelin mühafizəçiləri arasında şiddətli atışma davam edir.

Sosial şəbəkələrdə hücum edən şəxslərin “Əş-Şəbab” terrorçuları olduğu iddia edilir.

Ölənlər barədə hələlik məlumat verilmir.

Hücuma görə məsuliyyəti heç bir qruplaşma öz üzərinə götürməyib.