“Formula-1”in pilotu dünyasını dəyişdi – FOTO
“Formula-1”in “Marussia” komandasının pilotu Jül Byanki dünyasını dəyişdi.
ANS PRESS-in məlumatına görə, 25 yaşlı pilot Fransanın Nissa şəhərində xəstəxanada keçinib. O, 5 oktyabr 2014-cü ildə Yaponiya Qran prisində baş vermiş qəzadan sonra xəstəxanaya yerləşərdi.
“Jül həmişə olduğu kimi sona qədər döyüşdü, amma onun mübarizəsi başa çatdı”,- deyə ailəsinin “Facebook”da yayılmış bəyanatında bildirilir.
Jül Byanki Qran-pri zamanı finişə doqquz dəqiqə qalmış trasa çıxmış evakuatorla toqquşub. Beyin zədəsi almış Cül Byanki Yokkaitidə əməliyyat edilib.
Daha sonra o, süni koma vəziyyətinə salınıb və 19 noyabr 2014-cü ildə komadan ayılıb. Daha sonra onun uzun müddətli reabilitasiyası nəzərdə tutulurdu.
Mənbə: ANSPRESS
