Külək yarışın vaxtının dəyişməsinə səbəb oldu

Bakı-2015 I Avropa Oyunlarının təqvimində dəyişiklik edilib.

ANS PRESS-in məlumatına görə, sabah start götürəcək BMX velosiped yarışlarının vaxtı dəyişdirilib.

Buna həftəsonu gözlənilən kəskin küləkli hava şəraiti səbəb olub. Nəticədə zamana qarşı təsnifat yarışları sabah – iyunun 26-da saat 14:30-da başlayacaq. Bunun ardınca saat 17:00-də kişi və qadınlar arasında motokros yarışları baş tutacaq.

İyunun 27-də külək gözlənildiyindən velosipedçilər istirahət edəcək.

Yarımfinal və final yarışları isə iyunun 28-də saat 15:00-də start götürəcək.