Ronaldo əsəbiləşdi: "Məni rahat buraxın"

"Real-Madrid"in ulduz futbolçusu Cristiano Ronaldo, tətildə olarkən onun haqqında çıxan xəbərlərə görə narahat olub və sosial şəbəkə vasitəsiylə mətbuata öz kəskin reaksiyasını bildirib.

Bizimyol.info xəbər verir ki, Ronaldo yaydığı görüntülü mesajda, media mənsublarına əsəbiləşərək "Məni rahat buraxın" deyib.

Ronaldo onun üçün çətin bir il olduğunu bildirərək, şəxsi həyatı haqqında danışmaq istəmədiyini də deyib: "Son həftələrdə mətbuatda mənim haqqımda neqativ danışılmağa çalışılır. Hər gün bir qızla gəzdiyim haqqında məlumatlar yayılır. Tətildəyəm, istirahət edirəm, uşağım da buradadır. Məni rahat buraxın. Buraxın da hər il olduğu kimi, işimi yaxşı görüm. İmicimə xələl gətirməyə çalışmayın. Bunu bacara bilməyəcəksiniz."