Minlərlə yumurta oğurlayan mühafizəçi saxlanıldı – FOTO

Çindəki fabriklərdən birində mühafizəçi işləyən şəxsin minlərlə yumurta oğurlaması böyük təəccüblə qarşılanıb.

ANS PRESS-in məlumatına görə, Çinin Pinqhu şəhərində baş vermiş hadisədə soyadı Qu olan şəxsin evində 1000 ədəd yumurta aşkarlanıb.

Evdə aparılan axtarışa isə Qunun içi yumurtayla dolu 2 çanta ilə fabrikin çıxışında yaxalanması səbəb olub.

Aşkarlanan yumurtaların üzərində etiket və tarix də olub. Günahını etiraf edən Qu yumurtanı çox sevdiyini bildirib.

Mühafizəçinin evində həmçinin ət, sabun, salfet, yuyucu toz və s. aşkarlanıb. Neçə dəfə oğurluq etdiyini xatırlamadığını deyən Qu evdəki hər şeyin oğurluq olduğunu bildirib.

Fabrik rəhbərliyi isə baş verənlərə görə şoka düşdüklərini bildiriblər.

“Hamı kimi biz də fabriki qorumaq kimi öhdəliyi olan birinin belə bir addım atmasından çox təəccübləndik. Ailəsi olmadığı üçün gecələr işləyən və işini sevən bir insan idi. İndi öyrəndik ki, gecələr dolaşaraq heç kimin onu görmədiyi anda oğurluq edirmiş”.