Britaniyalı cütlük Polşa vətəndaşından 4 il qul kimi istifadə edib

Böyük Britaniyadan olan cütlük polşalı kişini 4 il qul vəziyyətində saxlayıb.

“Daily Mail” nəşri yazır ki, 56 yaşlı universitet müəlliməsi Pritpal Binning və onun 54 yaşlı həyat yoldaşı Palvinder Binning 4 il ərzində insanı qul şəraitində saxlamaqda şübhəli bilinərək həbs olunublar. Bununla yanaşı Binning ailəsinin imkanlı olduğu və evlərinin qiymətinin 1,2 milyon funt-sterlinq həcmində qiymətləndirildiyi qeyd edilir.

Zərərçəkən şəxs tibb müəssisəsinə gələrək yemək müqabilində işləməyə məcbur olduğunu bildirdikdən sonra polis həmin evdə axtarış aparıb.

Polisin insidentlə bağlı başladığı təhqiqat davam edir.