Lahıcda yeni inşa olunan məktəb binası istifadəyə verildi

Avqustun 26-da Azərbaycan Respublikasının Prezidenti İlham Əliyev və birinci xanım Mehriban Əliyeva İsmayıllı rayonunun Lahıc qəsəbəsində yeni inşa olunan tam orta məktəb binasının açılışında iştirak ediblər.

Oxu.Az xəbər verir ki, dövlətimizin başçısı və birinci xanım məktəbin rəmzi açılışını bildirən lenti kəsiblər.

Təhsil naziri Ceyhun Bayramov Prezident İlham Əliyevə və birinci xanım Mehriban Əliyevaya Lahıc qəsəbə tam orta məktəbi haqqında məlumat verib.